जनकपुरधाम । मधेश प्रदेश सरकारले चालु आर्थिक वर्ष २०८१-८२ मा ७१ प्रतिशतभन्दा बढी बजेट खर्च गरेको छ ।
२५ असार राति १२ बजेसम्म कुल बजेटको ७१ दशमलव ४४ प्रतिशत बजेट खर्च भएको प्रदेश अर्थ मन्त्रालयले जनाएको छ । प्रदेश लेखा नियन्त्रण कार्यालय मधेश प्रदेशका अनुसार, चालुतर्फ ६४.६४ र पुँजीगततर्फ ७५.१४ प्रतिशत बजेट खर्च भएको छ ।
चालु आर्थिक वर्षमा प्रदेश सरकारको कुल बजेट ४३ अर्ब ८९ करोड २१ लाख ७० हजार रहेकोमा ३१ अर्ब ३७ करोड ५२ लाख ४७ हजार रुपैयाँ खर्च भएको छ ।
अर्थ मन्त्रालयले सबैभन्दा धेरै ८३.३६ प्रतिशत र सबैभन्दा कम मुख्यमन्त्री तथा मन्त्रिपरिषद्को कार्यालयले ३४.०६ प्रतिशत बजेट खर्च गरेको छ । यसैगरी, भौतिक पूर्वधार मन्त्रालयले ७८.२०, वन तथा वातावरण मन्त्रालय ७७.४५ र खेलकुद तथा समाज कल्याण मन्त्रालयले ६९.३१ प्रतिशत खर्च गरेको छ ।
तल हेर्नुस् बजेट खर्च विवरण
सम्बन्धित खबर
