LIVE
उद्यमीलाई आर्थिक विकासको संवाहक बनाउन सरोकारवालाको जोड | नवनियुक्त मुख्यमन्त्री यादवले आइतबार बिहान १० बजे शपथ लिने, एक सातापछि विश्वासको मत लिने | मधेश सरकार गठनमा संवैधानिक अन्योल, सत्ताको दाउपेचमा दलहरू | नेकपाका केन्द्रीय सदस्य श्याम यादवसहितका नेता तथा कार्यकर्ता रास्वपामा प्रवेश | चिनियाँ दूतावासद्वारा जनकपुरको कन्या मावि शैक्षिक सामग्री सहयोग | छठ मनाउन मधेश झरे कांग्रेस सभापति थापा, सर्लाही हुँदै वीरगञ्ज पुग्ने | मधेशमा छठको रौनक, अस्ताउँदो सूर्यलाई अर्घ दिइँदै | मधेशमा नयाँ सरकार गठनका लागि दाबी पेस गर्न आह्वान | कमला नदीमा डुबेर धनुषाका २४ वर्षीय युवकको मृत्यु | प्रदेश सरकारले भीमफेदी दुर्घटनामा मृत्यु भएका परिवारलाई जनही एक लाख दिने |

जनकपुरधाम । मधेश प्रदेशका भूमि व्यवस्था, कृषि तथा सहकारी मन्त्री जनार्दन सिंह क्षेत्रीले खडेरीको असर कम गर्न किसानलाई आवश्यक राहतका लागि थप बजेट अपरिहार्य भएको बताएका छन्।
मन्त्री क्षेत्रीले सोमबार जनकपुरधाममा आयोजित गत आर्थिक वर्षको वार्षिक समीक्षा कार्यक्रमलाई सम्बोधन गर्दै, मौसमको अनियमितताका कारण यो वर्ष धेरै जिल्लामा धान रोपाइँ प्रभावित भएको र किसानहरू सिँचाइको गम्भीर समस्यामा परेको उल्लेख गरे।
उनका अनुसार मन्त्रालयले हालसम्म नियमित बजेटबाटै किसानलाई सयालो ट्युबवेल वितरण गर्ने तयारी गरिसकेको छ, जसका लागि आवश्यक प्राविधिक प्रक्रिया अन्तिम चरणमा पुगेको छ। “कृषि उत्पादनमा गिरावट नआओस् भनेर हामी समयमै सिँचाइ सुविधाको व्यवस्था गर्दैछौं,” मन्त्री क्षेत्रीले भने।
कार्यक्रममा मन्त्री क्षेत्रीले जनताको काम छिटो छरितो रुपमा सम्पन्न गर्न मन्त्रालयका कर्मचारीलाई आवश्यक निर्देशनसमेत दिए। उनले किसानलाई राहत र सेवा पुर्‍याउने क्रममा अनावश्यक ढिलासुस्ती भएमा जिम्मेवारी तोकिने चेतावनीसमेत दिए।
गत आर्थिक वर्षमा मन्त्रालयको वित्तीय प्रगति ६३.८७ प्रतिशतरहेको उनले जानकारी गराउँदै, भौतिक प्रगति पनि सन्तोषजनक रहेकाले यस वर्ष लक्ष्यभन्दा माथि पुग्ने विश्वास व्यक्त गरे।
यसअघि पनि मन्त्री क्षेत्रीले प्रदेशभरका सिँचाइ संरचना सुधार, सहकारीको सुदृढीकरण, र भूमी व्यवस्थापनमा सुधारका कार्यक्रमहरूलाई प्राथमिकतामा राख्ने घोषणा गरेका थिए।

सम्बन्धित खबर