जनकपुरधाम । मिथिलाञ्चल क्षेत्रमा चौरचन र तीज पर्व एकैसाथ मनाईदै छ ।
चन्द्रमाको राती पुजा गरि मनाईने पर्वलाई मिथिलाञ्चल क्षेत्रमा चौरचन नामले प्रसिद्ध छ । कुनै ठाउँमा यस पर्वलाई चौठचन्द्र पर्व भनेर पनि सम्बोधन गरिन्छ ।
श्रद्धा र आस्थाको पर्वका रुपमा मानिएको चौरचन पर्वमा ब्रतालु महिना दिनर निराहार उपबास बसी राति चन्द्रमाको पुजा गरेपछि मात्रै अन्न तथा पानी ग्रहण गर्ने गर्छन् । राती घरपरिवारका सदस्यहरु पालैपालो घरको आङगनमा राखिएको फलफुल चन्द्रमाको दर्शन गर्छन् । त्यसपश्चात त्यो क्रम सम्पन्न भएपछि परिवारजनहरुले फलफूल, मिठाइ, दही, पुरी र खीर खाने खानेगर्छन् ।
यो पर्वमा राती नै आफ्न्त तथा आफ्ना छिमेकीहरुलाई बोलाएर खुवाउने चलन समेत रहेको जनकपुरधाम–४ का नबिन प्रियदर्शिले बताए । चौरचन तथा तीज पर्व एकैदिन परेकोले जनकपुरधाम उपमहानगरपालिकासहित मधेश प्रदेशका अधिकांश पालिकाहरुले आज सार्वजनिक विदा समेत दिएको छ ।
सम्बन्धित खबर
