जनकपुरधाम । दिउँसै लाग्ने हुस्सु र शितलहरी मधेशका जिल्लाहरुमा अत्यधिक चिसो बढेपछि मधेश प्रहरी कार्यालयले दाउरा वित्तरण सुरु गरेको छ ।
मधेश प्रदेशका राजधानी जनकपुरधामका विभिन्न चोकमा आज शनिवार दाउरा वित्तरण गरिएको मधेश प्रदेश प्रहरी प्रमुख डिआईजी गोविन्द थपलियाले जानकारी दिए । अत्यधिक चिसोका कारण बजारमा हिडडुल गर्ने सर्वसधारणलाई मध्यनजर गर्दै दाउरा वित्तरुण गरिएको उनले बताए ।
जनकपुरधामका शिव चोक, जनक चोक, राम चोक, मुरली, पिराडी चोक, भानु चोक लगायतका चोकहरुमा दाउरा वित्तरण गरिएको उनले बताए । मधेश प्रदेशमा दुई सप्ताहभन्दा बढी दिनदेखि अत्यधिक जाडो र शीतलहरले कठ्याङ्ग्रिएका विपन्न तथा सर्वसाधारण नागरिकलाई जाडोबाट जोगिन दाउराको प्रबन्ध गरिएको प्रहरीले जनाए ।
