जनकपुरधाम । अख्तियार दुरुपयोग अनुसन्धान आयोगको टोलीले सोनमा गाउँपालिकाका प्रमुख प्रशासकीय अधिकृत श्रीदेव यादवलाई घुस रकमसहित पक्राउ गरेको छ।
आयोगको बर्दिबास कार्यालयका अनुसार यादवलाई ७२ हजार रुपैयाँ घुस लिइरहेको अवस्थामा नियन्त्रणमा लिइएको हो।
एक उपभोक्ता समिति अध्यक्षसँग काम मिलाइदिने भन्दै रकम मागिएको भन्ने सूचनाका आधारमा खटिएको अख्तियारको टोलीले उनलाई औरही सडक क्षेत्रमा पक्राउ गरेको जनाएको छ।
अख्तियारका अनुसार पक्राउ परेका यादवसँग थप नगद रकमसमेत रहेको आशंका गरिएको छ। घटनाबारे थप अनुसन्धान भइरहेको आयोगले जनाएको छ।
