जनकपुरधाम । विभिन्न माग राख्दै मधेस आन्दोलनका शहिद परिवार तथा घाइतेहरुले मधेस भवन अगाडि प्रदर्शन गरेका छन् । मंगलबार उनीहरुले मधेस शहिद प्रतिष्ठानलाई स्वायत्त बनाउनुपर्ने, शहिद परिवारहरुलाई शिक्षा, स्वास्थ्य, रोजगारीको ग्यारेन्टी हुनुपर्ने लगायतको माग राख्दै मधेस प्रदेश सरकारको प्रशासनिक भवन ९मधेस भवन०को गेट अगाडि प्रदर्शन गरेका हुन् ।
विभिन्न मधेस आन्दोलनको क्रममा ६३ जना शहादत प्राप्त गरेका थिए । संघीयता आएपति लालबाबु राउत नेतृत्वमा बनेको सरकारले ५२ जना शहिद परिवारलाई रोजगारीको लागि नियुक्ती पत्र दिएकोमा २५ जनालाई मात्रै रोजगारी दिइएको थियो । जसमध्ये अहिले १० जना मात्रै कार्यरत छन । शहिद परिवार अहिले प्रदेश सरकारको विभिन्न सरकारी कार्यालयमा कार्यालय सहयोगिको रुपमा कार्यरत छन ।
मधेस सरकारले शहीद परिवारका लागि उपलब्ध गराउने भनिएका सेवा सुविधाबाट आफूहरुलाई वञ्चित गरिएको भन्दै उनीहरुले अनिश्चितकालिन आन्दोलनको घोषणा गरेका छन् । पहिलो चरणमा मधेस भवन अगाडि प्रदर्शन गरेका उनीहरुले माग पुरा नभए अझ सशक्त आन्दोलनमा जाने चेतावनी दिएका छन ।
