२० साउन, काठमाडौं । खेलकुदमा पिछिडएका नेपालले एउटा प्रभावशाली खेलाडी स्यान्टू श्रेष्ठ पाएका थिए । स्यान्टू श्रेष्ठ पनि नेपाली टेबल टेनिसले लामो समयमा पाएका एक प्रतिभावान खेलाडी थिए । १६ वर्षको उमेरमै उनले राष्ट्रिय च्याम्पियन, दक्षिण एसियाली खेलकुदको एकै संस्करणमा चारवटा पदक हातपारेका उनको सफलता यही भन्छ । नेपाल नम्बर एक खेलाडी स्यान्टू नेपालमा भविश्य नभएको निष्कर्षका साथ विदेशी जाने तयारीमा जुटेका छन् ।उनी २६ साउनमा अष्ट्रेलिया जादैछन । विदेश जान लागेको भन्ने प्रश्नमा स्यान्टूले भने ‘नेपाल सरकारले केही गर्दैन, हामी बसेर के गर्ने । विदेश नै जानुपर्छ भन्ने सोच आउनुका पछाडि एउटा कारण छ । सेम्टेम्बर, २०२१ ९२०७८ असोजमा कतारको दोहामा भएको एसियन टीटी च्याम्पियनसिपमा नेपालबाट तीन पुरुष र तीन महिला खेलाडीको सहभागिता थिए । राष्ट्रिय खेलकुद परिसद का तत्कालीन सदस्य सचिव रमेशकुमार सिलवालले फर्किएर आएपछि खर्च दिने आश्वासन दिएसँगै खेलाडीहरु प्रतिव्यक्ति ६५ हजार तिरेर प्रतियोगिता खेल्न गएका थिए ।तर अहिलेसम्म त्यो रकम सरकारबाट उनीहरु पाएका छैन् ।