महोत्तरीको बर्दिबास नगरपालिकाभित्र जङ्गली हात्तीले पाँचवटा घर भत्काइदिएका छन ।बर्दिबास –८ मा चार र वडा नं १० मा हात्तीले एक घर भत्काएको जिल्ला प्रहरी कार्यालय महोत्तरीका प्रहरी उपरीक्षक कृष्णप्रसाद पङ्गेनीले बताए । रातका समयमा जङ्गलबाट आएका हात्तीको झुन्डले जितबहादुर योञ्जन, सोमबहादुर तामाङ, बुद्धिमान सिग्देल र जयकिसुन महतोको घर भत्काएको थियो ।हात्तीको उपद्रवबाट घरभित्रका सबैथोक नष्ट भएको छ भने घर भत्किएर ती परिवारको बिजोग भएको हो । यसमा कुनै प्रकारको मानवीय क्षति नभएको जिल्ला प्रहरी कार्यालयले जनाएका छन ।
सम्बन्धित खबर
