काठमाडौं । अर्जेन्टिनाका कप्तान लिओनल मेस्सीले आफ्नो करिअरको एक हजारौँ व्यवसायिक खेलमा गोल गर्दै आफ्नो देशलाई विश्वकप दिलाउने सपना कायम राखेका छन् ।मेस्सी र युलियन अल्भारेजको गोलमा गएराति अष्ट्रेलियालाई २/१ ले पराजित गर्दै अर्जेन्टिनाले ३६ वर्षपछि विश्वकप उपाधि खडेरी तोड्न अर्को कदम चालेको छ ।अर्जेन्टिनाले अब क्वार्टरफाइनलमा नेदरल्याण्ड्स विरुद्ध खेल्नेछ । पूरा देशकै आशाको रुपमा रहेका मेस्सीलाई अब केही दिन आराम हुनेछ । उनी तीन गोल गर्दै जारी विश्वकपमा सर्वाधिक गोल गर्नेमा संयुक्त रुपमा अगाडि छन् ।