पाकिस्तानविरुद्ध लगातार दुई टेस्ट जित्दै इंग्ल्यान्डले तीन खेलको सिरिज जितेको छ । सोमबार दोस्रो टेस्टको चौथो दिन पाकिस्तानलाई ३२८ रनमा अलआउट गर्दै इंग्ल्यान्डले जारी सिरिजमा अजय अग्रता लिएको छ । पहिलो टेस्टमा विशाल हार व्यहोरेको पाकिस्तानले दोस्रो टेस्टमा २६ रनको हार व्यहोरेको हो । टेस्टको पहिलो इनिङमा इंग्ल्यान्डले २८२ रन बनाएको थियो भने पाकिस्तानले मात्र २०२ । दोस्रो इनिङमा इंग्ल्यान्डले २७५ रन बनाएको थियो । पाकिस्तानले भने लक्ष्य पूरा गर्न सकेन ।
इंग्ल्यान्डको जितमा ज्याक लिचले पहिलो इनिङ मा चार विकेट लिए भने दोस्रो इनिङमा मार्क वुडले पनि चार विकेट लिए । इंग्ल्यान्डले हालसम्म पाकिस्तानमा चारवटा मात्र टेस्ट जितेको छ । यसअघि उसले १९५९, १९६१ र २००० मा टेस्ट जितेको थियो ।