LIVE
एसइइको रिजल्टमा सुधार ल्याउन स्वयंमसेवक शिक्षक भर्ना गर्दै मधेश प्रदेश सरकार | सरकारलाई खबरदारी गर्न दश दलले महाअधियान संचालन गर्ने | आमसञ्चारका अध्यक्ष यादवले विदाई हुनुभन्दा अगाडी सार्वजनिक गरे चार वर्षे उपलब्धिहरू | धनुषामा सवारी दुर्घटना एक शिक्षकको मृत्यु | मधेश प्रदेशका सभामुख मण्डलले विद्यार्थीहरुलाई अध्ययापन गराउने | रौजा मजार शरीफमा २६ चैतदेखि तीनदिवसीय उर्स मनाईने | ‘हाम्रो कल्चरमा मिसावट भयो, अव नुहाईधुवाई गरेर जनतामा जान्छु’– पुर्व प्रधानमन्त्री प्रचण्ड | बचाउनका लागि संगठित हुदै जनकपुरका निजी अस्पतालहरु | मुख्यमन्त्री सिंह सबभन्दा असफल रहेको काँग्रेस नेता गुप्ताको आरोप | वनरक्षक भर्ना गर्दै मधेश प्रदेश सरकार |

काठमाडौं । बलिउड अभिनेता नवाजुद्दिन सिद्दिकीले एउटा फिल्म खेलेबापत सय करोड भारु पारिश्रमिक लिने कलाकारले फिल्म उद्योगलाई ध्वस्त तुल्याइरहेको आरोप लगाएका छन् ।फिल्म र ठूला बजेटको फिल्ममध्ये कुन छनोट गर्नुहुन्छ भनेर सोधिएको प्रश्नको जवाफमा उनले भने, ‘पैसाले सधैं राम्रो विचार र जोशलाई पछ्याएको कुरा यथार्थ हो । मसँग एक ट्रिलियन डलर हुन सक्छ, तर यदि मसँग सभ्य विचारको बारेमा सोच्ने क्षमता छैन भने त्यो एक ट्रिलियन डलरको काम छैन ।

’उनी अगाडि भन्छन्, ‘फिल्म उद्योगको कुरा गर्दा यदि कुनै व्यक्तिसँग उल्लेखनीय स्क्रिप्ट छ भने निर्माताहरू त्यो स्क्रिप्ट प्राप्त गर्न पैसा लिएर त्यो व्यक्तिको पछि दौडिन्छन् । हामीले सक्षम दिमाग र असल विचार ल्याउन सक्ने व्यक्तिलाई थप विश्वास दिनुपर्छ ।’बक्स अफिस कलेक्सनको बारेमा सोच्नु अभिनेताको काम होइन र भनेर सोधिएको अर्को जिज्ञासाले उनले भने, ‘बक्स अफिस अंक हेर्नु निर्माताको जिम्मेवारी हो । कलाकारले टिकट बिक्रीको चिन्ता लिनुहुँदैन ।

म यसलाई सिर्जनाको भ्रष्टाचारको रूपमा हेर्छु ।’उनी भन्छन्, ‘एउटा फिल्ममा सय करोड पारिश्रमिक लिने स्टारले फिल्मलाई हानि पुर्‍याएको छ । सानो बजेट वा सामान्य बजेटको फिल्म असफल हुँदैन । जहिले पनि फिल्मको बजेट व्यावहारिकताको सीमाभन्दा बाहिर जान्छ, त्यो फ्लप हुन्छ । अभिनेता, निर्देशक र कथाकार फ्लप हुँदैनन् । यो फिल्मको बजेट हो जसले यसलाई हिट वा फ्लप बनाउँछ ।’

सम्बन्धित खबर