काठमाडौं । आईसीसी क्रिकेट विश्वकप लिग टू खेल्न नेपाल आएको स्कटल्याण्ड नेपालसँगका दुवै खेल हारे पनि च्याम्पियन बनेको छ ।क्रिकोणत्मक शृंखलामा नामिबियासँगका दुवै खेल जितेको स्कटल्याण्ड लिग टूका ३६ खेलमा ५० अंक जोड्दै च्याम्पियन बनेको छ ।तर उसले लिग टू जितेको भन्दा पनि नेपाली बलर सन्दीपसँग हात नमिलाएको घटना नेपाली सञ्चार माध्यममा मात्र नभएर अन्तर्राष्ट्रिय सञ्चार माध्यममा पनि हेडलाइन बने ।नेपालसँगका दुवै खेलपछि स्कटल्याण्डले नाबालिग बलात्कारको आरोपी लागेका सन्दीपसँग हात मिलाएन । पहिलो खेलमा हात नमिलाएपछि यसबारेमा कुराकानी नगर्ने बताएको स्कटल्याण्ड टोलीले शृंखलाका खेल सकिएपछि भने मुख खोलेको छ ।

त्यसपछि पक्राउ परेका लामिछानेलाई प्रारम्भिक सुनुवाइबाट पुर्पक्षका लागि थुनामा पठाइए पनि उच्च अदालत पाटनले कडा शर्तहरुसहित २८ पुसमा रिहा गर्न आदेश दिएको थियो । तर, अदालतबाट मुद्दा छिनोफानो नभइ लामिछानेलाई राष्ट्रिय क्रिकेट टोलीमा समावेश गरिएको भन्दै विरोध भएको थियो ।यसबारेमा महिला अधिकारकर्मीले स्कटल्याण्डको धारणा माग गरेपछि स्कटल्याण्ड क्रिकेटले यसअघि नै आफूले कुनै पनि प्रकारका दुर्व्यवहारलाई समर्थन नगर्ने बताउँदै सन्दीपलाई टिममा राख्ने बारेमा नेपाल क्रिकेट संघ क्यान र अन्तर्राष्ट्रिय क्रिकेट परिषद आईसीसीले विचार गर्नु पर्ने बताएको थियो ।