काठमाडौं । यही अप्रिल १८ देखि मे १ सम्म काठमाडौंमा आयोजना हुने एसीसी प्रिमियर कपका लागि ओमानको टोली घोषणा भएको छ ।ओमान क्रिकेट बोर्डले आइतबार जिसान मक्सुदको कप्तानीमा १४ सदस्यीय टोली घोषणा गरेको हो । टोलीको उपकप्तानमा अकिब इल्यास छन् ।यस्तै कश्यप प्रजापति, जतिन्दर सिंह, सोइब खान, आयान खान, सन्दिप गौड, अदिल साफिक, मोहम्मद नदिम मोहम्मद नसिम जे ओडेरा, कलिमुल्लाह, बिलाल खान र अहमेद फयज बट छन् ।

मुख्य प्रशिक्षकमा दुलिप मेन्डिस छन् ।प्रिमियर कपमा ओमान पाल रहेको समूह ए मा छ । यस समूहमा मलेसिया, कतार र साउदी अरेबिया पनि छन् ।नेपाल र ओमान मात्र ओडीआई मान्यता प्राप्त टोली हुन् । नेपाल र ओमानबीच हुने खेल नेपालको ५०औं ओडीआई खेल हुनेछ ।नेपाल र ओमनबीच पछिल्लो पटक गत जुनमा क्रिकेट विश्वकप लिग टु अन्तर्गत अमेरिकामा खेल भएको थियो । उक्त खेलमा नेपालले ओमानलाई ७ विकेटले पराजित गरेको थियो ।

अर्को समूहमा ओडLआई मान्यता प्रपात युएईसहित हङकङ, कुवेत, सिंगापुर र बहाराइन छन् ।दुवै समूहको शीर्ष दुई टोली सेमिफाइनल प्रवेश गर्नेछन् । प्रिमियर कपको विजेता टेष्ट राष्ट्र खेल्ने एसिया कपमा छनोट हुनेछ । यस्तै शीर्ष तीन टोली एसीसी इमर्जिङ कपमा छनोट हुनेछन् ।