जनकपुरधाम । धनुषामा गाँजा हालिएको चुरोट तान्ने विषयमा विवाद हुदाँ एक युवकको मृत्यु भएको छ ।
गत मंगलवार राति जनकपुरधाम उपमहानगरपालिका–७ बस्ने २४ वर्षीय रब्बनी मंसुरको गाँजा हालिएको चुरोट तान्ने विषयमा आफ्नै साथिहरु बीच भएको विवादमा मृत्यु भएको हो । प्रहरीका अनुसार मंगलवार राति मंसुर साथिहरु जनकपुरधाम–७ जानकीनगरका २० वर्षीय अनुज तिवारी, २५ वर्षीय जियाउल राईन, जनकपुरधाम – ८ बस्ने ३१ वर्षीय राजकुमार साह र धनुषा नगराईन नगरपालिका– २ बस्ने २१ वर्षीय जितेन्द्र कुमार मण्डल बीच गाँज हालिएको चुरोट तान्ने विषयमा विवाद भएको थियो ।
मंगलवार दिउँसै धनुषाको सिमावर्ति बजार जटहीबाट लागु औषध सेवन गरेर आएका चारै जना मंगलवार राती जनकपुरधाम–२३ लादोबेलास्थित एक घरको दोस्रो तल्लामा मदिरा सेवा गरेका थिए । मदिरा सेवा पश्चात गाँजा हालिएको चुरोट तान्ने विषयमा उनीहरु झगडा र कुटपिट भएको थियो । सोही क्रममा मंसुर छतबाट लडेका थिए ।
विहिवार जिल्ला प्रहरी कार्यालय धनुषाले आयोजना गरेको पत्रकार सम्मेलनका प्रहरी उपरीक्षक विश्वराज खड्काले भने,‘ झण्डाकै क्रममा मंसुर घरको दोस्रो तालाबाट तल झरेर गम्भिर घाईते भएका थिए । पछि राती १ बजे सोही मध्येबाट अनुज तिवारीले मंसुरलाई उपचारको लागि प्रादेशिक अस्पतालमा ल्याएर फरार भए ।’ बुधवार विहान १० बजे उपचारको क्रममा मंसुरको मृत्यु भएको उनले बताए ।
घटनामा ४ जनालाई पक्राउ गरिएपनि प्रहरीले अहिले सम्म २ जनालाई सार्वजनिक गरेको छ । उनले घटनाको थप अनुसन्धान भईरहेको र बाँकी व्यक्तिलाई पनि सार्वजनिक गरिने बताए ।