
जनकपुरधाम । नेपाल क्योकुशिन कान कराते संघ धनुषा शाखाको नयाँ कार्यसमिति सर्वसहमत चयन गरिएको छ ।
संघका धनुषा शाखा अध्यक्ष सुनिल कुमार यादवको अध्यक्षता तथा नेपाल क्योकुशिन कान कराते संघका वरिष्ठ प्रशिक्षक मोहम्मद असगर खाँको रोहबरमा शनिवार बसेको वैठकमा ९ सदस्य जिल्ला कार्यसमिति गठन गरिएको हो । नेपाल क्योकुशिन कान कराते गुरु विष्णु कुमार यादवको अध्यक्षता गठन गरिएको नयाँ कार्यसमितिको वरिष्ठ उपाध्यक्षमा धमेन्द्र कुमार यादव, उपाध्यक्षमा सनि कुमार यादव, सचिवमा कमलेश मण्डल, कोषाध्यक्षमा शिवेन्द्र कुमार यादव र सहसचिव नेहाल अली रहेका छन् । त्यसैगरि, संघका सदस्यहरुमा धुव्रनारायण अधिकारी, नुरी खातुन र सोहना खातुन रहेका छन् ।
त्यसैगरि, संघको सल्लाहकार समितिमा मो. असगर खाँ, राकेश कुमार यादव, गौतम साह, हदीस खुद्दार,लक्ष्मेश्वर यादव, विजय महासेठ र मो. कलाम अजाद रहेका छन् ।