जनकपुरधाम । पछिल्लो केहि दिन यता जनकपुरधाममा अटो रिक्सा चोरीको घटनामा वृद्धि भएको छ ।
बुधवार राती मात्रै जनकपुरधाम उपमहानगरपालिका –१६ कपिलेश्वरको हनुमानथानबाट स्थानीय अकबर साफीको ना३ स २२५० नम्बरको अटो रिक्सा चोरी भएको छ । घर अगाडी नै विद्यृतीय चार्जका लागि राखिएको उक्त रिक्सा मध्यरातीमा चोरी भएको पीडितले बताए ।
केहि दिन अघि जनकपुरधाम– ४ कटैया चोरीमा चार्जका लागि राखिएको एक अटो रिक्सामा अज्ञात समुहले आगजनी गरेका थिए । दुई दिन अघि मात्रै जनकपुरधामको विभिन्न स्थानबाट ४ वटा अटो रिक्सा चोरी भएको थियो ।
अटो रिक्सा चोरीको घटना वृद्धि भएपछि दैनिक अटो रिस्का चलाएर घरपरिवारको जीविका चलाउने सर्वसधारण मदजुर मारमा परेका छन् । कमाईको एक माध्यम रिस्का रहेकोले र त्यो रिक्सा नै चोरी भएपछि ति परिवारहरुको बिच्चलीमा पर्ने गरेका छन् ।
ऋण, सापटी गरेर अटो रिक्सा खरिद गरेका मजदुरहरु अटो रिक्सा नै चोरी भएपछि झन समस्यामा पर्ने गरेका छन् । यो विषयमा प्रहरी प्रशासनले वडाहरुमा गस्ती बढाउनुपर्ने पीडितहरुको भनाई छ ।
सम्बन्धित खबर
