जनकपुरधाम । धनुषामा मोटरसाइकलले ठक्करले एक युवकको मृत्यु भएको छ ।
जिल्लाको शहिदनगर नगरपालिका–४ ननुपट्टीका अब्दुल राईनका १८ वर्षीय छोरा अख्तर राईनको मोटरसाईकलको ठक्करले मृत्यु भएको हो ।
सोमबार साँझ धनुषाको महिनाथपुर–बीरेन्द्रबजार सडकखण्डको शहिदनगर नगरपालिका– ३ यदुकूहास्थित यदुकूहाबाट हठिपुरतर्फ साईकलमा गईरहेका अख्तरलाई तीव्र गतिमा रहेको मधेश प्रदेश ०२–००६ प ८५७५ नम्बरको मोटरसाईकलले पछाडिबाट ठक्कर दिएको थियो । ठक्करबाट गम्भीर घाइते अख्तरको उपचारको लागि जनकपुर ल्याउँदै गर्दाबाटोमै मृत्यु भएको प्रहरीले जनाएको छ ।
मोटरसाइकल चालक शहिदनगर नगरपालिका– ३ यदुकूहाका १९ वर्षीय असरफ आलम गम्भीर घाइते भएका छन् । मृतक अख्तरको शव पोष्टमार्टमको लागि प्रादेशिक अस्पताल जनकपुरमा राखिएको र घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।
सम्बन्धित खबर
