जनकपुरधाम । लोकतान्त्रिक समाजवादी पार्टी नेपाल (लोसपा)ले वीरगञ्जमा फैलिएको हैजा प्रकोप नियन्त्रणकामा लागि ठोस कदम चाल्न सरकारसँग माग गरेका छन् ।
लोसपाका महासचिव विनोदकुमार सिंहद्वारा जारी विज्ञप्तिमा पार्टी अध्यक्ष महन्थ ठाकुरले प्रधानमन्त्री केपी शर्मा ओलीलाई (१३ भदौमा)भेटेरै जनताको स्वास्थ्य र ज्यानसँग सम्बन्धित यस्ता समस्यालाई तत्काल प्राथमिकताका साथ समाधान गर्न आग्रह गरेका थिए ।
भेटमा अध्यक्ष ठाकुरले वीरगञ्जलगायत सम्पूर्ण मधेशमा देखिएका खानापानीको समस्या, सरसफाइ तथा वीरगञ्ज महानगरपालिकामा देखिएको हैजाको प्रकोपबारे गम्भीर ध्यानाकर्षण गराएको विज्ञप्तीमा उल्लेख छ ।