जनकपुरधाम । टी– २० विश्वकप एसिया तथा इस्ट एसिया प्यासिफिक छनोट खेलमा नेपालले जापानलाई पराजित गरेको छ ।
आज ओमानमा टस हारेर पहिले ब्याटिङ गरेको जापानले दिएको १३२ रनको लक्ष्य नेपालले १८ ओभरमा ५ विकेट गुमाएर पूरा गर्यो ।
नेपालको जितका लागि ओपनर आशिफ शेखले ३८ तथा कुशल भुर्तेलले २१ र गुल्सन झाले अविजित २८ रन प्रहार गरे ।
जापानका शोमा स्लेटरले २ विकेट लिए ।
त्यसअघि पहिले ब्याटिङ गरेको जापानले निर्धारित २० ओभरमा ८ विकेट गुमाएर १३१ रन बनाएको थियो । जापानका कप्तान केन्डेल काडोवाकी फ्लेमिङ ६० तथा इसाम रहमानले ३१ रन प्रहार गरेका थिए ।
