काठमाडौं । अर्जेन्टिनी फरवार्ड लियोनल मेसी बुधबार रातिको खेलमा पेरिस सेन्ट जर्मन (पीएसजी) को १० नम्बर जर्सीमा देखा परे ।फ्रेञ्च नकआउट फुटबल कुप डी फ्रान्समा उनले दोश्रो पटक १० नम्बरकै जर्सी रोजेका हुन् ।कुप डी फ्रान्समा खेलाडीले आफ्नो स्थायी जर्सीको सट्टा १ देखि ११ नम्बरसम्मको जर्सी नम्बर लगाउँछन् । मेसीले पहिलो पटक २०२२ मा कुप डी फ्रान्समा पीएसजीका लागि १० नम्बरको जर्सी लगाएका थिए ।पीएसजीले बुधबार राति अन्तिम १६ मा मार्सिलेविरुद्धको खेलेको थियो । मेसी १० नम्बरको जर्सीमा मैदान उत्रिएको यो खेलमा पीएसजी २–१ ले पराजित भयो ।
