जनकपुरधाम । महोत्तरीको लोहारपट्टी नगरपालिका–३ महदैयामा सडक निर्माणको विषयमा विवाद हुदाँ दुई जना गम्भिर घाईते भएका छन् ।
शनिवार विहान भएको करिव १० वजे सडक निर्माणको विषयमा भएको विवादमा स्थानीय ५५ वर्षिया तेतरी खातुन र उनका २८ वर्षिय छोरा मोमजात कवारी गम्भिर घाईते भएका हुन्। घाईते दुवै जनाको जनकपुरधामस्थित प्रादेशिक अस्पतालमा उपचार भईरहेको छ ।
साविकको सडकलाई छोडर हाम्रो निजी जग्गा अतिक्रमण हुने गरि सडक निर्माण कार्य गरिहेको र त्यसको विरोध गर्दा आफुहरुलाई स्थानीय जयनुल कवारी, फुल मोहम्मद, काले कवारी, सैमा कवारी सहितले मिलेर आफुहरुलाई कुटपिट गरेको घाईते कवारीले बताए । केहि खास व्यक्तिलाई फाईदा पुग्ने उदेश्यले साविकको सडकलाई छोडेर कुनै व्यक्तिलाई मार्का पर्ने गरि सडक निर्माण नगर्न नगराउन उच्च अदालत जनकपुरले समेत निषेधज्ञा जारि गरेको अवस्थामा सो वडाका वडाध्यक्ष रामजी यादवको आदेशमा पुनः सडक निर्माणको कार्य सुरु भएपछि विरोध गर्दा आफुहरुलाई कुटपिट गरिएको उनले आरोप लगाए ।
उच्च अदालत जनकपुरधामका न्यायधिश सागर विष्टको ईजलासले सो वडाका किता नम्बर ७३७ मा भएर तत्काल सडक निर्माण नगर्न नगराउन जेठ ४ गते अन्तिरिम आदेश जारि गरेको छ । तर अदालतको आदेशको समेत अवज्ञा गरि वडाध्यक्ष यादवको निर्देशनमा सडक निर्माणको कार्य भईरहेको घाईतेका दाई सौकत अली राईनले दावि गरे । जयनुल कवारी सहितले भाई र आमालाई घरमा थुनेर मनरासन हुने गरेको कुटपिट गरेको उनले बताए ।
सम्बन्धित खबर
