मोहत्तरीको बर्दिबास सर्पदंश उपचार केन्द्रमा भेन्टिलेटरको अभावले गर्दा विरामीको मृत्य पश्चात प्रधानमन्त्रीको निर्देशनमा स्वास्थ मन्त्रालयले आईसीयू र भेन्टिलेटर उपल्बध गराएका हून ।
आईसीयू र भेन्टिलेटरको अभावमा यस क्षेत्रका सर्पदंश विरामीहरुले ज्यान समेत गुमाईरहेका थिए । लामो समयदेखि स्थानीयहरुले केन्द्रमा भेन्टिलेटरसहित उपचारको व्यवस्था गर्न माग गरदै आईरहेका थिए । यसअघि पूर्वमन्त्रीसमेत रहेका माओवादी केन्द्रका नेता गिरिराजमणि पोखरेल नेतृत्वको टोलीले प्रधानमन्त्री शेरबहादुर देउवालाई भेटेर केन्द्रको लागि भेन्टिलेटर माग गरेका थिए ।
गत वर्ष बर्दिबास नगरपालिकाले स्वास्थ विभागलाई पत्रचार गरी भेन्टिलेटर मांग गरेका थिए । प्रधानमन्त्री देउवाको निर्देशनमा स्वास्थ्य विभागले करिब २६ लाख रुपैयाँ मूल्य बराबरको भेन्टिलेटर सोमबार बर्दिबास नगरपालिकाका मेयर प्रह्लाद कुमार क्षेत्रीलाई हस्तान्तरण गरेका छन ।
गत शनिवार विषालु सर्पको टोकाइबाट बर्दिबास नगरपालिका–४ मा पब्लिक स्कुलका प्रिन्सिपल युवराज श्रेष्ठको मृत्यु भएको थियो। श्रेष्ठलाई सर्पले टोक्नेबित्तिकै सर्पदंश उपचार केन्द्रमा लगिए पनि भेन्टिलेटर अभावमा मृत्यु भएको थियो ।
