जनकपुरधाम । केही महिना देखि जनकपुरधाम उपमहानगरपालिका क्षेत्र भित्र अवारा कुकुरहरुको विगविगी बढन थालेका छन । जनकपुर उपमहानगरपालिका वाडा न.२ बस्ने बिनोद रोहिताको ६ वर्षिय भतिजोलाई अवारा कुकुरको एक समुहले गम्भीर रुपमा घाईते बनाएको छ । घायते बालकको हात, खुट्टा, छातीमा कुकुरले टोकेको उनको काका बिनोद रोहिताले बताए ।
बालकलाई उपचारका लागी प्रादेशिक अस्पताल जनकपुरधाममा लगिएको उनले बताए । कुकुरले टोकेका विरामीहरु प्रादेशिक अस्पताल जनकपुरधाममा अहिले बढी संख्यामा आउने गरेको प्रादेशिक अस्पताल जनकपुरधाममा कार्यरत कर्मचारी अशोक यादवले बताए । दैनिक २० को हराहारीमा कुकुरले टोकेका विरामी अस्पताल आउने गरेको यादवले बताए ।
अधिकांश कुकुरले टोकेका विरामीहरु मध्ये बालबालिकाको संख्या बढी रहेको उनले बताए । कुकुरले टोकेका विरामीलाई रेबिज विरुद्धको भैक्सीन इन्जेक्शन अस्पाताले निःशुल रुपमा उपल्बध गराउदै आएको उनले बताए । जनकपुर उपमहानगरपालिका क्षेत्र भित्र रहेका बौलाहा कुकुरहरुलाई सम्बन्धित निकायले नियन्त्ररण तथा धरपकढ गरी समस्या समाधान गर्न जरुरी रहेको जनकपुर उपमहानगरपालिका लोहना (२५ बस्ने महन्जी यादवले बताए ।
