काठमाडौं । बिहीबार सेयर बजारमा १.०८ अंकले गिरावट आएको छ । पछिल्लो एक साता बजार निरन्तर गिरावट देखिएको छ । बजार घट्दा कारोबार रकम समेत असर परेको छ । बिहीबार कुल २२५ कम्पनीको २९ हजार १६२ हजार वटा कारोबारबाट ३९ लाख ५५ हजार ८८६ कित्ता सेयर किनबेच भएको हो । १ अर्ब ३८ करोड ३४ लाख ६२ हजार १६२ रुपैयाँ बराबरको कारोबार भएको छ ।
बिहीबार बैंकिङ, व्यापार, उत्पादन तथा प्रशोधन, म्युचुअल फण्ड र लगानी उपसमूहको मूल्यमा गिरावट देखिएको छ । यसबाहेकका उपसमूहका लगानीकर्ताले भने आज कमाउन सफल भएका छन । बिहीबार हिमालयन एभरेष्ट इन्स्योरेन्सको मूल्यमा सकारात्मक सर्किट लागेको छ । अपर हेवाखोला हाइड्रो, माहुली लघुवित्त, सप्तकोशी विकास बैंकसहितका कम्पनीको मूल्य बढेको छ ।राप्ती हाइड्रो सबैभन्दा बढी ४।३८ प्रतिशतले घटेको छ । नेपाल टेलिकमको सबैभन्दा बढी कारोबार भएको हो।
सम्बन्धित खबर
