२४ भदौ, काठमाडौं । भैरहवाको नाका पारी सुनौली बजारमा भारतबाट नेपाल आउन लागेका मालबाहक ट्रकको लामो रहे छ । २ दिनदेखि नौतन्वाबाट लागेको यही जाममा फसेका छन्, अमजद पठान र उनका सहचालक ।गाडी सडकमा खडा गरेर खाने काम सजिलो छैन, वरिपरि कतै शौचालय हुदैन’, खान भन्छन्, ‘योभन्दा वीरगञ्ज नाका धेरै सजिलो छ ।
तुरुन्त गाडी भन्सार भित्र जान्छ, तुरुन्तै निस्कन पाउँछ ।’भारतबाट सर्फ र साबुन लिएर आएका उनले अगाडिको बाटो सम्झदै भने, ‘काठमाडौं जाने रोड उस्तै खराब रहेको छ । कान समात्छु, अब यो नाका भएर कहिले आउँदैनौं ।’दुई दिन जाममा परेर भैरहवा भन्सारको यार्डमा गाडी छिराएका रामसुन्दर यादव एकै दिनमा पास भएर जान नपाएकोमा दिक्क भएका छन ।
‘फटाफट काम नहुने नियम छ, रोड उस्तै गडबड छ, हामीले कस्लाई भन्नु ’ उनी भन्छन्, ‘हामी ड्राइभर, कसलाई के गर्न सक्छौं, चुप बस्ने बाहेक अरु विकल्प छैन ।’भैरहवाको सुख्खा बन्दरगाहमा ट्रक कुरेर बसेका सलाम हुसैनको पनि ‘दिमाग खराब’ भएको छ ।
‘यत्रो पार्किङमा तपाईंले कतै एउटा धारो या ह्यान्ड पम्प देख्नुभो ’ उनले भने, ‘ट्वाइलेट जान त सपनाको कुरा पानी पिउन र हातमुख धुन पनि नपाइने चियानास्ता गर्ने एउटा पसल सम्म छैन । क्या हालत ।’अर्का चालक शंकर देवगणले नौतन्वाबाट सुनौली, भैरहवा, बुटवल, नारायणगढ हुँदै काठमाडौं पुग्दा कलियुगको महाभारत जिते बराबर हुने उनले भने ।
सम्बन्धित खबर
