जनकपुरधाम ।
धनुषामा एक काकाले आफ्नै ५ वर्षिय भतिजालाई फलामे ढण्डी प्रहार गरि हत्या गरेका छन् ।
जिल्लाको क्षिरेश्वरनाथ नगरपालिका–५ कुचाइ बस्ने २८ वर्षिय रवि पासवानले आफ्नै भतिजो अनुप पासवानलाई रड प्रहार गरि हत्या गरेका हुन् । आईतवार दिउँसो करिव ४ बजेको समयमा घर नजिकै खेलिरहेका अनुपालाई रविले टाउँकोमा रड प्रहार गरि गम्भिर घाईते बनाएका थिए । पछि अनुपालाई उपचारको लागि स्थानीय महेन्द्र हेल्थ केयर अस्पताल लैजादा चिकित्सकले उनलाई मृत घोषणा गरेको मृतका बुवा किसन पासवानले बताए । मृतक अनुपको शवलाई पोस्टमाटको लागि जनकपुरस्थित प्रदेशिक अस्पतालमा राखिएको छ ।
यता, खबरको जानकारि पाएलगतै हत्यामा संलग्न रहेको भन्दै रवि पासवानलाई पक्राउ गरेको धनुषाका प्रहरी प्रवक्ता दिपक क्षेत्रिले जानकारी दिए । घटनाका कारण वारे अहिले सम्म केहि नखुलेको र घटनाको अनुसन्धान गरिरहेको उनले बताए ।