जनकपुरधाम । मुस्लिम सामुदायका युवा नेता मोहम्मद अजिज राईन नेपाल संघिय समाजवादी पार्टीबाट धनुषा निर्वाचन क्षेत्र नम्बर ३ को क बाट चुनाव लड्ने भएका छन् ।
पहिलो मधेश आन्दोलनदेखि राजनीतिमा सक्रिय रहेका नेता राईनले पहिल्लो पटक प्रदेश सभाको निर्वाचनमा उम्मेदवारी दिन लागेका हुन् । मधेश प्रदेश गेष्ट हाउसका संचालक समेत रहेका नेता राईन समाजिक कार्यमा लामो समयदेखि सक्रिय रहदै आएका छन् । समाज सेवा तथा विभिन्न समाजिक कार्यमा रुची राख्ने युवा नेता राईनले भने,‘ म पहिलो पटक जनताको बीचमा जादै छु । मेलै विगतमा गरेको कार्यलाई मुल्याङ्गन गरेर निश्चत रुपमा जनताको माया पाउछु भने आशा र भरोसा छ ।’
‘म कुनै पदमा नभएर पनि विकास निर्माणदेखि आमजनताको पीडामा सँधै सहयोग गर्दै आएको छु, कुनै एक सामुदायको लागि नभएर हरेक सामुदाय वर्गको लागि काम गरेको छु, त्यसकारण आमजनताको मप्रति भरोसा र विश्वास छ,’उनले भने । आफुलाई मधेशवादी र राष्ट्रिय पार्टी भन्नेहरुले आमजनताको हक अधिकार भन्दा पनि सत्ता र शक्तिको राजनिति मात्रै गर्दै आएको नेता राईनले आरोप लगाए ।