पार्टीले टिकट नदिएपछि जनता समाजवादी पार्टीका मधेस प्रदेश उपाध्यक्ष शेषनारायण यादवले पार्टी परित्याग गरी कांग्रेसबाट उम्मेदवारी दिएका छन् ।
उनी धनुषा क्षेत्र नम्बर ५ को (क) बाट प्रदेशसभाको टिकटको आकांक्षी रहेका थिए । तर, सो क्षेत्रमा पार्टी प्रदेशका पूर्वआन्तरिक मामिला तथा कानुनमन्त्री ज्ञानेन्द्र कुमार यादवलाई टिकट दिएपछि उपाध्यक्ष यादवले पार्टी छाडेको घोषणा गरेका हुन् ।

सो क्षेत्रबाट कांग्रेसका सहमहामन्त्री महेन्द्र यादव प्रतिनिधिसभामा उम्मेदवारी दिँदैछन् । पार्टीले नागरिकता विधेयकको विरोध गरेको तथा प्रतिगमनकारी शक्तिसँग पार्टी अध्यक्षले हात मिलाएकाले आफूले पार्टी छोडेको नेता यादवले शिलापत्रसँगको कुराकानीमा बताए ।