जनकपुरधाम । लोकतान्त्रिक समाजवादी पार्टीका नेता अनिल झा रौतहट छोडर धनुषा क्षेत्र नम्बर ३ बाट प्रतिनिधी सभामा उम्मेदवारी दिएका छन् ।सत्तारुढ गठबन्धनबीच दल भागभण्डामा धनुषा क्षेत्र नम्बर ३ परेको चर्चा चलेको थियो । तर अन्तिम समयमा सत्तारुढ गठबन्धन दलमा लोसपा सहभागि भएपछि उक्त क्षेत्र लोसपालाई दिईएको हो । नेता झा रौतहट निर्वाचन क्षेत्र नम्बर १ बाट विगतमा चुनाव लड्दै आएका थिए ।
४ मंसिरमा सत्तारुढ गठबन्धनमा सो क्षेत्र नेकपा एकिकृत समाजवादी पार्टीका अध्यक्ष तथा पुर्व प्रधानमन्त्री माधवकुमार नेपाल उम्मेदवारी दिएपछि नेता झा धनुषा सरेका हुन् । काँग्रेसले सो क्षेत्रमा परमेश्वर महासेठलाई टिकट दिने चर्चा चलेको थियो ।२०७४ सालको निर्वाचनमा धनुषा क्षेत्र नम्बर ३ बाट प्रतिनिधी सभामा नेपाली काँग्रेसका नेता विमलेन्द्र निधीलाई पराजित गर्दै लोसपाका वरिष्ठ नेता चुनाव जितेका थिए । सुरुमा नेता निधी महतोको लागि यो क्षेत्र छाडेका थिए । तर महतोले आफ्ना गृह जिल्लाकै पुरानो क्षेत्र नम्बर २ बाटै उम्मेदवारी दिने भएपछि लोसपाले धनुषा ३ मा नेता झा लाई उम्मेदवार खडा गरेका हुन् ।
