फाएजा फहमीदा
जनकपुरधाम । संघिय सरकारमा प्रधानमन्त्री शेरवहादुर देउवाले जनता समाजवादी पार्टीका भित्रहरुलाई हटाएपछि त्यसलाई काउन्टर दिन मधेश प्रदेशका मुख्यमन्त्री लालबाबु राउतले काँग्रेसका तीन मन्त्रीलाई बर्खास्त गरेका छन् ।
मुख्यमन्त्री राउतले विहिवार साँझ नै नेपाली काँग्रेसका संसदीय दलका नेता तथा भौतिक पुर्वधार तथा विकास मन्त्री सरोज यादवलाई फोन गरेर राजिनामा दिन आग्रहा गरेका थिए । तर शुक्रवार १२ वजे सम्म पनि काँग्रेसका मन्त्रीहरुको राजिनामा नआएपछि मुख्यमन्त्री राउतले उनीहरुलाई बर्खास्त गर्न प्रदेश प्रमुखलाई सिफारिस गरेका थिए ।

प्रदेश सरकारमा काँग्रेसका भौतिक पुर्वाधार मन्त्री रामसरोज यादव, महिला बालबालिका युवा तथा खेलकुद मन्त्री विरन्द्र सिंह र खानेपानी तथा उर्जा विकास मन्त्री ओमप्रकाश शर्मा रहेका थिए ।
मुख्यमन्त्री राउतले सत्तारुढ गठबन्धन दल काँग्रेसका मन्त्रीहरुलाई बर्खास्त गरेपनि माओवादी केन्द्र र नेकपा एसमा मन्त्रीलाई बर्सास्त गरेका छैनन् । न उनीहरुसँग अहिले सम्म राजिनामा नै मागेका हुन् ।