जनकपुरधाम । दीपावलीको अवसरमा जनकपुरधामा करेन्ट लागेर दुई युवकको ज्यान गएको छ ।
दीपावलीको लागि घरमा इलेक्ट्रिक बत्ती जोड्ने क्रममा करेन्ट लाग्दा दुई युवकको मृत्यु भएको धनुषा प्रहरीले जनाएको छ । मृत्यु हुनेमा जनकपुरधाम उपमहानगरपालिका –९ बेल्ही बस्ने सुभाष यादवका १४ वर्षीय छोरा शिवराज यादव र जनकपुरधाम–२२ बसबिट्टी बस्ने नवल मिश्रका १९ वर्षीय छोरा अमित मिश्र रहेको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक दिपक क्षेत्रीले जानकारी दिए ।
प्रवक्ता क्षेत्रीका अनुसार मिश्रको सोमवार साँझ घरमा विद्युतिय बत्ती जडान गर्ने क्रममा करेन्ट लागेर घटनास्थलमै मृत्यु भएको हो । आईतवार नै करेन्ट लागेर गम्भिर घाईते भएका यादवको सोमवार दिउँसो जनकपुरधामस्थित प्रादेशिक अस्पतालमा उपचारको क्रममा मृत्यु भएको हो । मृतक दुबै जनाको शव पोष्टमार्टम पश्चात परिवारजनको जिम्मा लगाइएको उनले बताए ।
सम्बन्धित खबर
