जनकपुरधाम । धनुषा निर्वाचन क्षेत्र नम्बर ३ को २ बाट तमलोपाका उम्मेदवार असगर अलिले देश र प्रदेशको विकास र सम्वृद्धिको लागि समाजिक एकता र भाईचारा आवश्यक रहेको बताएका छन ।
शनिवार जनकपुरधाम–२५स्थित घरदैलो कार्यक्रमलाई पश्चात आयोजना गरिएको कोणसभालाई सम्बोधन गर्दै उम्मेदवार अलीले यस्तो धारणा राखेका हुन् ।
‘सच्चा र देशभक्त राजनीतिकर्मीले जातपात र धर्मको राजनितक कहिले गर्न सक्दैनन्, उम्मेदवार अलिले भने,‘ सच्चा र देशभक्तिले ओतपरोत भएका राजनीतिकर्मीले सदैव देश र जनताको हितको लागि गर्छन्,समाजमा हरेक वर्ग, सामुदाय, जात जाती विकास सम्वृद्धिको लागि संघर्षरत रहन्छन् । समाजमा पछाडि परेका, उत्पीडन र विभेदमा परेका सामुदायको उत्थानको लागि तत्पर रहन्छन् ।’ हाम्रा पुरखाहरुले रगत पसिना बगाएर देशलाई बनाएको उल्लेख गर्दै यसको सम्वृद्धि र विकासको लागि हामि सबैलाई एकजुट हुनुको विकल्प नरहेको उनको भनाई थियो ।
अर्को प्रशंगमा नेता अलीले मधेश र मधेशीको हक अधिकारको सुनिश्चिता तथा प्रदेशको विकास र सम्वृद्धिको लागि आफुले उम्मेदवारी दिएको बताए । मधेश केन्द्रित दलहरुले मधेशको मुद्दा छोडिसकेको बताउदै उम्मेदवार अलीले भने,‘ ठुलठुला राजनीतिक दलहरुकै कारण लाखौ मधेशीका सन्तानले नागरिकताबाट वञ्चित छन्, नागरिकताको अभावमा उनीहरुको उच्च शिक्षादिक्षा हुन सकिरहेको छैन,नत कहि रोजगारी नै पाउन सकिरहेको छैन । त्यसकारण त्यस्ता दलहरुलाई पहिचान गर्ने यहि मौका रहेकोले सचेत भई मतदान गर्नुको विकल्प छैन ।’
जनकपुरधामलाई धार्मिक पर्यटकीय क्षेत्रको रुपमा विकास गर्नुपर्ने बताउदै नेता अलीले जनकपुरधामलाई नेपालकै नमुना धार्मिक पर्यटकीय शहरको रुपमा विकास गरेको खण्डमा यहाँको आर्थिक कारोवारमा वृद्धि हुनुको साथै स्थानीय युवाहरुको लागि रोजगारीको अवस्था सर्जृना हुने बताए ।
सम्बन्धित खबर
