जनकपुरधाम । धनुषामा जिल्लामा प्रदेश र प्रतिनिधी सभाको निर्वाचनमा करिव ६२ प्रतिशत खसेको छ ।
धनुषामा प्रमुख निर्वाचन अधिकृत ब्रजेश प्याकुरेलले यो निर्वाचनमा करिव ६२ प्रतिशत मात्रै मत खसेको बताए । उनले चारवटै निर्वाचन क्षेत्रमा प्रतिनिधि तथा प्रदेशसभा सदस्य निर्वाचनको मतदान शान्तिपुर्ण वातावरणमा सम्पन्न भएको बताए ।
जनकपुरधाम स्थित प्रदेश निर्वाचन कार्यालयका प्रमुख श्रीधर पन्थीले जिल्लामा धनुषामा शान्तिपुर्ण र भयरहित वातावरणमा मतदान भएको बताए ।
जिल्लाको ३२२ वटा मतदान स्थलका ६०५ मतदान केन्द्रमार्फत मतदान भएको हो । धनुषामा २ लाख ५२ हजार ९१५ पुरुष, २ लाख २१ हजार ६६५ महिला र अन्य ७ गरी कुल ४ लाख ७४ हजार ५८७ मतदाता रहेको छ ।
निर्वाचनलाई भयरहित र शान्तिपुर्ण वातावरणमा चुनाव सम्पन्न गराउन ६ जिल्ला भरिमा ६ हजार सुरक्षाकर्मी परिचालन गरिएको थियो ।
सम्बन्धित खबर
