जनकपुरधाम । पर्सा जिल्लामा प्रदेश सभा सदस्यमा नेपाली काँग्रेसका एक अर्का उम्मेदवारी विजयी भएका छन् ।
पर्सा निर्वाचन क्षेत्र नम्बर ४ (क) बाट नेपाली कांग्रेसका शंकर प्रसाद चौधरी निर्वाचित भएका हुन् । सत्तारुढ गठबन्धन दलका उम्मेदवार चौधरी विपक्षी गठबन्धनका दल नेकपा एमालेका जयप्रकाश थारुलाई ११ हजार ५ सय ८५ मत ल्याई विजयी भएका हुन् । थारु ९ हजार ५ सय ५१ मत ल्याउन सकेका थिए । चौधरी क्षेत्र यस अघि २०७४ सालमा पनि सो क्षेत्रमा प्रदेश सभामा निर्वाचित भएका थिए ।
त्यसैगरि, पर्सा क्षेत्र नम्बर २ (क) बाट नेपाली कांग्रेसकै उम्मेदवार श्याम पटेल विजयी भएका छन् । जनता समाजवादी पार्टी (जसपा) का रामनरेश प्रसाद यादवलाई १ हजार ६ सय ५७ मतले पराजित गर्दै पटेल निर्वाचित भएका हुन् ।
पटेलले १३ हजार ७ सय ८४ मत ल्याएका थिए भने यादवले १२ हजार १ सय २७ ल्यान सकेका थिए ।
