जनकपुरधाम । धनुषाको बटेश्वर गाउँपालिकाकी धारिलो हतियार प्रहार गरी एक महिलाको हत्या भएको छ ।
आज विहान ४ वजे तिर जिल्लाको बटेश्वर गाँउपालिका–५ शान्तिपुरकी २८ वर्षीया अमृता यादवको धारिलो हतियार प्रहार गरी हत्या गरिएको प्रहरीले जनाएको छ । हतियार प्रहारबाट गम्भिर घाईते भएकी यादवलाई उपचारको क्रममा जनकपुरधामको काव्या अस्पतालमा मृत्यु भएको धनुषाका प्रहरी उपरीक्षक बस्तन रजौरले जानकारी दिए । चार÷पाँच जना समुहमा आएका नकावधारी समुहले श्रीमतीलाई एक्कासी धारिलो हतियार प्रहार गरि भागेको मृतक यादवकी श्रीमान विरेन्द्र यादवले प्रहरीलाई व्यान दिएको उनले बताए ।
मृतकका श्रीमान यादवलाई पनि प्रहरीले घटनाको विषयमा सोधपुच्छको लागि नियन्त्रणमा लिएको उनले बताए । घटनाको थप अनुसन्धान भईरहेको उनले बताए । यता, मृतकको शव पोस्टमाटमको लागि जनकपुरधामस्थित प्रादेशिक अस्पतालमा राखिएको छ ।