जनकपुरधाम । २७ मंसिर
सशस्त्र प्रहरीले भारतबाट अवैध रुपमा ल्याउदै गरेको २४ लाखभन्दा बढी रकमसहित एक भारतिय नागरिकलाई पक्राउ गरेको छ ।
सशस्त्र प्रहरीले धनुषाको विदेह नगरपालिका –९ इटहर्वास्थित सिमा क्षेत्रबाट प्रदेश २–०२–००५ प ५७९८ नम्बरको अपाचे मोटरसाइकलको ट्याङ्की भित्र लुकाई छिपाई २४ लाख १७ हजार रकम भारतबाट नेपाल ल्याउदै गर्दा पक्राउ गरिएको सशस्त्र प्रहरी मधेश प्रदेशका डिआईजी गणेश बहादुर ठाडा मगरले जानकारी दिए ।
पक्राउ पर्नेमा भारतको बिहार राज्य मधुवनीं जिल्ला मंगपट्टी वडा नंम्बर–१ मन्दिर, विशौल बस्ने २३ वर्षीय उमेश कुमार रहेको डिआईजी मगरले जानकारी दिए । विशेष सुराकीको अधारमा मगलवार विहान ११ वजे कुमारलाई नगदसहित पक्राउ गरिएको उनले बताए । पक्राउ परेका कुमार र बरादम भएको मोटरसाईकलसहित नगद रुपैयाँ जनकपुरधामस्थित भन्सार कार्यालयको जिम्मा लगाएको डिआईजी मगरले बताए ।