जनकपुरधाम, पुस १० गते ।
धनुषाको औरही गाउँपालिका वडा नं. ५ स्थित चक्करमा निःशुल्क स्वास्थ्य शिविर सम्पन्न भएको छ । जनकपुर ग्राण्डी अस्पताल, जानकी डाइबेटिक क्लिनिक र जानकी हेल्थ पफाउण्डेशनको संयुक्त आयोजनामा शनिबार निःशुल्क शिविर सम्पन्न भएको हो ।
शिविरमा ७३० जना बिरामीले स्वास्थ्यलाभ लिएको स्वास्थ्यकर्मी नागेन्द्र यादवले जनकारी दिए । डा.रामेश्वर महासेठ, डा. ज्ञानकुमार साह , डा. सुजित कुमार पाण्डे, डा. मोहम्मद सहिद अंशारी, डा.मनिष साह र डा. नन्दन प्रताप साह शिविरमा बिरामीको स्वास्थ्य परीक्षण तथा उपचार गरेका थिए । शिविरको उदघाटन औरही गाउँपालिका अध्यक्ष उमाशंकर प्रसाद साहले गरेका थिए ।