जनकपुरधाम ।धनुषाको इलाका प्रहरी कार्यालय सखुवा महेन्द्रनगरको हिरासत फोडे फरार तीन थुनुवा पक्राउ परेका छन् । पक्राउ पर्नेहरुमा मिथिला नगरपालिका २ का २५ वर्षीय हरिदिप सिंह, २५ वर्षीय अमित मण्डल र मिथिला नगरपालिका ६ का रोशनकुमार महतो छन् ।अभद्रव्यबहार तथा शान्ति सुरक्षाविरुद्धको मुद्दाका हरिदिपलाई मंगलबार राति पक्राउ परेको धनुषाका प्रहरी उपरीक्षक प्रदीपबहादुर क्षेत्रीले जानकारी दिए । यस्तै सोही कसुरका अमितलाई प्रहरीले मंगलबार दिउँसो पक्राउ गरेका हुन् ।त्यस्तै हातहतियार खरखजाना मुद्दाका रोशनलाई सोमबार साँझ पक्रेको थियो ।गत आइतबार राति इलाका प्रहरी कार्याललयको हिरासतको भित्ता फोडेर विभिन्न मुद्दाका ६ जना फरार भएका थिए ।जिल्ला प्रहरी कार्यालय धनुषा र मधेश प्रदेश प्रहरी कार्यालय, जनकपुरबाट खटिएको संयुक्त प्रहरी टोलीले व्यापक सर्च अपरेशन चलाई खोज तलास गर्दे जाने क्रममा जारी राखेको जनाएको छ ।अन्य तीनजनाको खोजी कार्य समेत जारी रहेको जिल्ला प्रहरी कार्यालय धनुषाले जनाएको छ ।