जनकपुरधाम २४ माघ ।
नेकपा माओवादी केन्द्रको प्रवेश सँगै मधेश प्रदेश सरकार पुर्णता पाएको छ ।प्रदेश सरकार गठन भएको झण्डै एक महिनापछि माओवादी केन्द्रले एक मन्त्री र एक राज्यमन्त्री सहित सरकारमा सामेल भएसँगै सरकार पुर्णता पाएको हो । मंगलवार माओवादी केन्द्रबाट सासद सुनिता यादव उद्योग पर्यटन तथा वन मन्त्रीको रुपमा पद तथा गोपनियताका सपथ लिएकी हुन ।त्यसैगरि, सोही मन्त्रालयको राज्यमन्त्रीमा रहबर अन्सारीले पद तथा गोपनियताका सपथ लिएका छन् । मन्त्री यादवलाई प्रदेश प्रमुख हरिशंकर मिश्र र राज्यमन्त्री अन्सारीलाई मुख्यमन्त्री सरोज कुमार यादवले सपथ गराएका थिए ।मन्त्री यादव समानुपातिक सासद हुन भने अन्सारी पर्सा निर्वाचन क्षेत्र नम्बर १ को क बाट निर्वाचित सासद हुन् । मन्त्री यादवले मैथिली र राज्यमन्त्री अन्सारीले भोजपुरी भाषामा शपथ लिएका छन् ।
सम्बन्धित खबर
