काठमाडौं । राष्ट्रपतिका उम्मेदवार रामचन्द्र पौडेलले आफ्नो पार्टीकोतर्फबाट उमेद्वारी दिने पक्का भएपछि समर्थन जुटाउन दौडधुप शुरू गरेका छन् ।यसैबीच पौडेलले राष्ट्रिय स्वतन्त्र पार्टीका सभापति रवि लामिछानेसँग भेट गर्न रविको निवासमै पुगेका छन् । नेपाली कांग्रेसले राष्ट्रपतिमा उम्मेदवार बनाउने निर्णय गरेपछि पौडेलले रविको हात्तीगौंडास्थित निवासमा पुगेर भेट गरेका हुन् । पौडेलले राष्ट्रपतिमा आफूलाई समर्थन गर्न रास्वपा सभापति लामिछानेलाई आग्रह गरेका छन् । नेकपा माओवादी केन्द्रसहितका ८ दलले राष्ट्रपतिमा कांग्रेस उम्मेदवारलाई समर्थन गर्ने सहमति यसअघि नै गरिसकेका छन् । तर, रास्वपाले भने केही निर्णय गरेको छैन ।
सम्बन्धित खबर
