जनकपुरधाम । मधेश प्रदेशको समाजिक विकास मन्त्रालयले दलित सशक्तीकरण नियामावली २०७८ संसोधन गर्न ५ सदस्य समिति गठन गरेको छ ।
दलित विकास समितिको शुक्रवार बसेको पहिलो वैठकले समितिका सदस्य भोला पासवानको संयोजकत्वमा ५ सदस्य समिति गठन गरिएको हो । समितिका सदस्यहरुमा पूर्व प्रदेश सांसद चमेलीदेवी दास,चन्देश्वर दास,रामो महरा र चन्देश्वर पासवान रहेका छन् । दलित सशक्तीकरण नियामावली २०७८ मा रहेको सदस्यहरुको काम,कतव्र्य अधिकार सहित सेवासुबिधा लगायत अन्य विषयहरु परिमार्जनको लागि उक्त समिति गठन गरिएको समाजिक विकास मन्त्रालयले जनाएको छ ।
सुझाव समितिको संयोजक भोला पासवानको अध्यक्षतामा बसेको पहिलो बैठकले दलित सशक्तिकरण ऐन २०७६ र दलित सशक्तीकरण नियामावली २०७८ मा अध्ययन गरि शनिबार पुन ःबैठक बसेर नियामावली परिमार्जनको ड्राफट तयार गर्ने र दलित अगुवा र कानून व्यवसायसँग छलफल गर्ने निर्णय गरेको समितिका सदस्य रामो महराले बताए ।
सुझाव पेश गर्न समितिलाई ५ दिनको समय दिइएको छ । समितिका संयोजक भोला पासवानले नियामावली परिमार्जन गर्न समय सिमा कम भएकोले समाजिक संजालबाट समेत सुझाव दिन आग्रह गरेका छन् । बैठकमा दलित विकास समितिका उपाध्यक्ष रामप्रवेश बैठा,सदस्य राजकुमार दास र श्याम सरदारले समितिका संयोजक र सदस्यहरुलाई खादा ,समितिको डायरी र क्यालेण्डरले सहित सम्मान गरेका थिए ।