जनकपुरधाम । जिल्लाको महोत्तरी गाउँपालिका २ स्थित रहेकि एनएमबि बैंकबाट ३८ लाखभन्दा बढी रकम लुटिएको छ। मंगलबार दिउँसो १२ बजेर २५ मिनेटमा हतियारधारीको समूहले रकम लुटपाट गरेर फरार भएको जिल्ला प्रहरी कार्यालय महोत्तरीका प्रहरी उपरीक्षक प्रकाश मल्लले जानकारी दिए।

एसपी मल्लका अनुसार हतियारधारी समूहले हतियार देखाएर क्यास काउन्टरबाट रकम लुटेर फरार भएका हुन्।यता घटनाबारे अनुसन्धान तथा लुटेराहरूको खोजीकार्य भइरहेको महोत्तरीका एपी प्रकाश मल्लले जानकारी दिए। उनले प्राप्त सिसिटिभी फुटेज अध्ययन भइरहेको र लुटेराहरू भाग्न सक्ने रुटसमेतको व्यापक खोजतलास भइरहेको बताए।