जनकपुरधाम । आईएफके फुल कन्टेक्ट राष्ट्रिय कराते चम्पियनशिप क्युकोशिन कान कराते प्रतियोगितामा धनुषाले तीन वटा मेडल ल्याउन सफल भएको छ ।
केहि दिन अघि काठमाण्डौमा सम्पन्न उक्त प्रतियोगितामा तीन जना कराते खेलाडी मेडल ल्याएर धनुषा जिल्लाको मान बढाएको छ । प्रतियोगितामा जनकपुरधाम उपमहानगरपालिकाका – ५ का खेलाडी इरफान शेषले ५० किलो तौल समुहमा खेलमा प्रथम स्थान हासिल गरेको छ ।
त्यसैगरि, ५० किलो तौल समुहको खेलमा जनकपुरधामकै खेलाडी मोहम्मद अफताव खान दोस्रो र ५५ किलो तौल समुहको खेलमा जनकपुरधामकै खेलाडी साविर हुसेनले तेस्रो स्थान प्राप्त गरि मेडल जीतेको नेपाल क्युकोशिन कान करातेका वरिष्ठि प्रशिक्षक मोहम्मद असगर खाँले बताए । राष्ट्रिय स्तरको प्रतियोगितामा आफ्ना खेलाडीहरुले मेडल ल्याएर जनकपुरधामको मान बढाएको वरिष्ठ प्रशिक्षक खाँले बताए ।
सम्बन्धित खबर
