जनकपुरधाम । सशस्त्र प्रहरी धनुषाले भारतबाट बिना भन्सार तिर तस्करी गरि नेपाल ल्याउदै गरेको झण्डै तीन लाखको समान पक्राउ गरि भन्सार कार्यालय जनकपुरलाई बुझाएको छ ।
शुक्रवार दिउँसो जिल्लाको विदेह नगरपालिका–१२ खरिहानी नाका हुदै बिआर ३२यु ६९०४ नम्बरको मोटरसाईकलमा अवैध रुपमा १ लाख ७८ हजार १० मुल्यबराबरको कपडा र तस्करीमा प्रयोग भएको करिव १ लाख मुल्यबराबरको मोटरसाईकल गरि २ लाख ७८ हजार १ सय समान जनकपुरधाम भन्सार कार्यालयलाई बुझाइएको सशस्त्र प्रहरी धनुषाले जनाएको छ ।
सशस्त्र प्रहरी निरीक्षक केदारनाथ सापकोटाको कमाण्डमा खटिएको मोबाईल गस्ती टोलीले उक्त समान पक्राउ गरेको थियो । चाडपर्वको मौसम नजिकदै जदा सशस्त्र प्रहरी धनुषाले सिमा नाकाबाट हुने तस्करी नियन्त्रणमा कडाई गरेको छ ।