फाएजा फहमीदा
जनकपुरधाम । सशस्त्र प्रहरीले हतियार सहित तिन जनालाई पक्राउ गरेको छ ।
सशस्त्र प्रहरी बलको इन्टिलिजेन्स व्युरोले दिएको सुचनाको अधामार सिरहाको लहानस्थित सशस्त्र प्रहरी बल क्याम्पबाट खटेको विशेष टोलीले लहान नगरपालिका–१ सिङराहीमा तीनलाई चेकजाँचको क्रममा पक्राउ गरेको छ ।
पक्राउ पर्नेमा सप्तरी जिल्ला सुरुंगगा नगरपालिका ८मा बस्ने ३२ वर्षिय अनिल राम, सोहि स्थानका ३० वर्षिय जिबान्नद चौधरी र ३५ वर्षिय संजय प्रसाद रहेको सशस्त्र प्रहरी बल मधेश प्रदेशका प्रमुख डि आई जि दिपेन्द्र शाहले जानकारी दिए । स ९प ४९७१ नम्बरको मोटरसाईकलमा सवार रहेका उनीहरुलाई सशस्त्र प्रहरीले चेकचाँज गरेपछि उनीहरु हतियारसहित पक्राउ परेका हुन् । उनीहरुको साथबाट प्रहरीले आधुनिक हतियार ५ एम एम ब्राउण्डिड. १ थान पेस्तोल,सोमा प्रयोग हुने म्याग्जिन १ थान, गोली २ राउण्ड बरामद गरेको छ ।
त्यसैगरि, नगद लाख २४ हजार दुइ सय ५३ रुपैयाँ, ४ सेट मोबाईल र विभिन्न कम्पनिका ४ लाख ६४ हजार ५ सय मुल्य बराबरको रिचार्ज कार्ड प्रहरीले बरामद गरेको छ । पक्राउ परेकोलाई थप अनुसन्धान तथा कानुनी कारर्वाहीको लागि सम्बन्धित निकायमा बुझाउने डिआईजी शाहले जानकारी दिए ।