जनकपुरधाम । निलम्बनमा परेका मधेश प्रदेशसभा सदस्य अनिरुद्ध कुमार सिंहको निलम्बन आज फुकुवा भएको छ ।

ज्यान मार्ने उद्योगमा गत १८ भदौमा पक्राउ परेका सिंहलाई पूर्पक्षका लागि थुनामा रहेका बेला प्रदेशसभाले निलम्बन गरेको थियो । तर, थुनामुक्त भएपछि उनको निलम्बन फुकुवा भएको हो ।

२३ कात्तिकमा सिंहले थुनामुक्त भई प्रदेशसभा सचिवालयमा निलम्बन फुकुवाको निवेदन दिएका थिए । सोही निवेदनअनुसार सिंहको निलम्बन फुकुवा गरिएको प्रदेश सभामुख रामचन्द्र मण्डलले सोमबार दिउँसो बसेको प्रदेशसभा बैठकमा जानकारी गराएका हुन् ।