जनकपुरधाम । राष्ट्रियवादी नागरिक समाजकी उपाध्यक्ष लक्ष्मी मल्लले हिन्दु राष्ट्र र राजसंस्थाको नाममा व्यापारी पृष्ठभुमिका दुुर्गा प्रसाई मुलुकमा आरजकता फैलाएको आरोप लगाएकी छिन् ।
जनकपुरधामको पिराडी चोकमा मंगलवार साँझ आयोजना गरिएको एक कार्यक्रमलाई सम्बोधन गर्दै उपाध्यक्ष मल्लले यस्तो आरोप लगाएकी हुन् । प्रसाई हिन्दु राष्ट्र वा राजसंस्थाको पक्षमा आन्दोलन गरेपनि उनी विभिन्न पार्टीका शिर्ष नेताहरुको दुत रहेकोले उनलाई नेपाली जनताले विश्वास गर्न नसकिने बताईन । व्यापारी पुष्ठभुमिका प्रसाईले आफ्नो पार्टी राजाको लगानी रहेको भनेर झुठको भ्रम फैलाएको बताउदै उनले भनिन्,‘ राजा सबैको साझाको हो । मौसुफको कुनै पार्टीमा लगानी छैनन् ।’
नेताहरुको व्यवहार र प्रवृतिको कारण मुलुकमा राजसंस्था आवश्यक रहेको उनले बताईन । ‘मुलुकमा पहिला एउटा राजा थियो, उनले भनिन्,‘ अहिले धेरै राजाहरु भएका छन्, उनीहरु विकास निर्माणभन्दा व्यतिmगत विकास लागेका छन् ।’ राजा नहुदाँ मुलुकमा विदेशीहरुको चलखेल बढेको उनले बताईन । राज संस्था र हिन्दु राष्ट्र वारेमा दलहरुले जनमत संग्रह नै नगरि विश्वको एक मात्र हिन्दु राष्ट्रको पहिचान मिटाउने काम गरेको उनले बताईन ।
राष्ट्रियवादी नागरिक समाजले विगत १५ वर्षदेखि निरन्तर राजसंस्था र हिन्दु राष्ट्रको लागि विभिन्न अभियानहरु संचालन गर्दै आएको उनले बताईन । राष्ट्रियवादी नागरिक समाजका धनुषाका विरेन्द्र राउतको अध्यक्षतामा भएको कार्यक्रममा विभिन्न वक्ताहरुले राजाको सर्थनमा मन्तव राखेका थिए ।