जनकपुरधाम । राष्ट्रिय सभा सदस्यका लागि मधेश प्रदेशबाट ५ जनाले उम्मेदवारी दर्ता गराएका छन् ।
ज्नकपुरधामस्थित प्रदेश निर्वाचन कार्यालयमा सत्तारुढ गठबन्धन दल नेपाली काँग्रेसबाट अन्य तर्फ आनन्द ढुगंना र जसपाबाट महिला तर्फ पुजा चौधरीले उम्मेदवारी दर्ता गराएकी हुन् ।
त्यसैगरि, एमालेबाट अन्य तर्फ विजेता झा र महिलाकोतर्फ उषा देवी थरुनीले मनोनयन दर्ता गराएका छन् । त्यसैगरि, जनमतबाट रामशंकर महासेठले उम्मेदवारी दर्ता गराएको प्रदेश निर्वाचन कार्यालय जनकपुरधामका सुचना अधिकारी कृष्ण कुमार राउतले जानकारी दिए ।
एमालेले अन्यतर्फ अर्जुन सिंह राजपुतलाई उम्मेदवार बनाउने निर्णय गरेको थियो । तर, सिंह उम्मेदवारी दर्ता गराउन आउँदा मतदाता नामावलीमा नाम नभेटिएपछि उनको स्थानमा पार्टीले विजेता झालाई उम्मेदवारी बनाएको छ ।