जनकपुरधाम । काम कारर्वाहीलाई चुस्त दुरुस्त बनाउने उदेश्यले मधेश प्रदेश सरकारले राष्ट्रिय अनुसंन्धान मधेश प्रदेश कार्यालय तथा जिल्लास्थित मातहत कार्यालयहरुलाई २५ थान मोटरसाईकल प्रदान गरेको छ ।
मधेश प्रदेश सरकारमा गृह संचार तथा कानुन मन्त्री महोम्मद समिमले मंगलवार दिउँसो राष्ट्रिय अनुसंन्धान मधेश प्रदेश कार्यालयका प्रमुख तथा अनुसन्धान निर्देशक डिआईजी संजय कुमार यादवलाई २५ थान मोटरसाईकल हस्तान्तरण गरेका हुन् । राष्ट्रिय अनुसंन्धान संघीय सरकार मातहत रहेपनि त्यसले मधेश प्रदेश प्रदेशको शान्ति सुरक्षासँग प्रत्यक्ष रुपमा सरोकार राख्ने भएकोले त्यसको काम कारर्वाहीलाई चुस्तदुस्त बनाउने उदेश्यले मोटरसाईकल प्रदान गरिएको मन्त्री समिमले बताए ।

राष्ट्रिय अनुसंन्धानको काम कारर्वाहीलाई आधुनिक प्राविधिकसँग जोडन प्रदेश सरकारले २० लाख मुल्यबराबरको कम्युटर सहितका समाग्री वित्तरण समेत गरिने मन्त्री समिमले बताए । गृह संचार तथा कानुन मन्त्रालयका उपसचिव उत्तम पोखरेलले मोटरसाईकल वित्तरण राष्ट्रिय अनुसंन्धानको काममा झन टेवा पुग्ने बताए ।