जनकपुरधाम । सुख्खा आयाम सुरु भएसँगै मधेश प्रदेशमा अगालगिका घटनामा वृद्धि भएको छ । आईतबार मात्रै मधेश प्रदेशको विभिन्न जिल्लामा आगलगीमा परि झण्डै अढाई दर्जन घर जलेर नष्ट भएको छ ।
सप्तरीको कञ्चनरुप नगरपालिका–५, पडेमारामा भएको भिषण आगलगीमा परि १२ परिवारका दुई दर्जन घर जलेर नष्ट भएको छ । स्थानीय लामोहन सरदारको गोठमा रहेको चुल्होबाट आगोले समयमा नियन्त्रण हुन नसक्दा भिषण रुप लिएको थियो । उक्त घटनामा २ बख्रासहित घरमा रहेका खाद्यन्न, लताकपडा जलेर नष्ट भएको प्रहरीले जनाएको छ ।
घटनामा मानवीय क्षति नभएपनि करिव २५ लाख मुल्य बराबरको समान जलेर पुर्ण रुपमा नष्ट भएको जिल्ला प्रहरी कार्यालय सप्तरीले जनाएको छ । दिउँसो ३ बजे सुरु भएएको आगलगि ४ बजेपछि मात्र नियन्त्रणमा आएको थियो । त्यसैगरि, पर्सा जिल्लाको छिपहरमाई गाउँपालिकाका–१ भलुवाहिमा लागलगिमा परि ५ घर जलेर नष्ट भएको छ ।
दशगजा नजिकै रहेको उक्त गाउँको ५ घर, एक कुकुरा फर्म र करिव १० विघा जमिनको गहुँ जलेर नष्ट भएको प्रहरीले जनाएको छ ।
गहुँ खेतमा लगाएको आगोको झिल्का हावसँगै उछिटिएर नेपाली गाउँ भलुवाहिका सन्तोष पासवान, मुकेश पासवानसहितका घरमा लागो लगेर नष्ट भएको पर्सा प्रहरीले जनाएको छ ।
सम्बन्धित खबर
